regaad Utjouwerij

nije útjefte

"Ik nûgje jim graach út om mei te gean op myn reis troch de Kongo. Belibje myn aventoeren op in wize sa’t dat noch noait mooglik west hat!"

In reis nei it hert fan de Kongo

Redmond O'Hanlon

nije útjefte

“Regaad bestiet gelokkich al 10 jier! Yn dat desennium ha se in protte peareltsjes op de merk brocht. Se jitte oersette klassikers yn in nij en unyk jaske tanksij de ûnderskiedende bylden fan talintfolle yllustratoaren en goede foarmjouwers en meitsje sa keunstwurken tusken kaften. In ferriking fan it Fryske boekelânskip.”

1 9 8 4

George Orwell

Nei in wrâldoarloch hat de steat totale kontrôle oer har boargers, oant yn it bêd. Kin de leafde dit oerwinne? Orwell’s “1984” is de ultime oanklacht tsjin totalitêre rezjyms, en ûnfermindere aktueel.

nije útjefte

Vertrouwen en vrijheid krijgen zorgt ervoor dat je als maker het beste uit jezelf kunt halen. Beide kreeg ik bij Regaad.

Bistespul

George Orwell

“Alle bisten binne gelyk, mar guon binne geliker as oaren.” Rebûlje op de pleats, de bisten nimme de macht oer! Mar feroaret dat ek wat? Orwell hâldt ús in spegel foar.

nije útjefte

"Regaad is in batshit-crazy útjouwerij. Ferjou my it Angelsaksysk, mar it koe net oars. Hiel moai dat d'r in klup is dy't apart wurk beskikber makket. Sels yn in pandemy betinke sy noch in omwei."

Enola Holmes – De saak fan de fermiste markys

Nancy Springer

Enola Holmes is it suske fan de ferneamde detektive Sherlock Holmes. As se der achter komt dat har mem ferdwûn is, set se yn har ientsje ôf om har te sykjen yn Londen wêr’t har hiel wat te wachtsjen stiet. Undertusken rekket se belutsen by de ûntfiering fan in jonge markys, moat se flechtsje foar moardlustige boeven, en moat se oan har slûchslimme âldere bruorren sjen te ûntkommen. En dan besiket se ek noch alle oanwizingen te ûntsiferjen oer de ferdwining fan har mem. Soe Enola, yn dizze gekkeboel, de markys en har mem werom fine kinne?

nije útjefte

'Damje mei ome Hajo', de oersetting fan 'Dammen met ome Hajo', makke en útbrocht troch Utjouwerij Regaad, hat gjin inkele resinsje yn in krante of tiidskrift krigen. Dochs siz ik: lang leve Utjouwerij Regaad en op noch tsien jier moaie Frysktalige boeken!

Damje mei ome Hajo

Meindert Talma

De roman giet oer it opgroeien yn de jierren ’70 en ’80 yn Surhústerfean, yn ’e Wâlden. De tiidsgeast, de sfear en de ûnderkuolle humor út dy krite komme yn Damje mei ome Hajo dúdlik nei foarren.

nije útjefte

"Een van de beteren van de reeks. Kan niet wachten op een vervolg!"

Leafde yn Ljouwert

Fleur van Ingen

Leafde yn Ljouwert is de earste Frysktalige publikaasje yn de Bouquet-reeks.

Sy wol dat er fuortgiet, hy wol híel graach bliuwe…

nije útjefte

De jonges fan Regaad meitsje it op in noflik eigensinnige wize mooglik dat der prachtich fersoarge oersettingen fan de moaiste boeken yn it Frysk te lêzen binne, it is in nocht om dêroan mei te wurkjen.

De bruorren Liuwehert

Astrid Lindgren

Dit is it wûndermoaie ferhaal fan de bruorren Karel en Jonatan Liuw. Karel – Krûmel, neamt syn grutte broer him – is deasiik. Hy sil it net oerlibje. Mar it ôfskied is net foar ivich, wit Jonatan. Se sille inoar weromsjen yn Nangijala, it ryk dêr’t alle mearkes weikomme…

nije útjefte

"Regaad is in batshit-crazy útjouwerij. Ferjou my it Angelsaksysk, mar it koe net oars. Hiel moai dat d'r in klup is dy't apart wurk beskikber makket. Sels yn in pandemy betinke sy noch in omwei."

It parfum – De skiednis fan in moardner

Patrick Süskind

Yn it Frankryk fan de achttjinde iuw stjonkt it. Slim. Mids alle roken, goed en kwea, ûntjout de jonge Jean-Baptiste Grenouille him mei syn boppeminsklik goede noas ta in geniaal parfumeur. Mar sa skerp as syn noas is, sa stomp is syn gewisse. Yn syn syktocht nei it ultime parfum is mearfâldige moard foar Grenouille oars net as in needsaaklik kwea. Mei It parfum. De skiednis fan in moardner skreau Patrick Süskind (1949) in magistrale thriller. Dizze moderne klassiker is al mear as 20 miljoen kear ferkocht en belibbet no, mei it Frysk, syn fiifenfyftichste oersetting.

nije útjefte

De wiete poes en oare ûnfoege folksferhalen

Douwe Kootstra & Jurjen van der Kooi

Fryske folksferhalen stean op it heden bot yn de belangstelling. Mar in bepaald skift fan dy folksferhalen is noch altiten net by de Friezen telâne kaam: de ûnfoege, ûnfatsoenlike fertellings, dy’t fansels ek omgean ûnder it folk. Folkskundige Jurjen van der Kooi hat in prachtige seleksje fan sok skabreus materiaal makke. Skriuwer en ferhaleferteller Douwe Kootstra hat dat wer bewurke oant wat it no is: in kreas boekje mei fize ferhaaltsjes – mei plaatsjes!

nije útjefte

“Mei humor en entûsjasme wat betinke, dat mei soarch en kreativiteit foarmjaan, en mei leafde en oertsjûging meitsje - Regaad jout ús al 10 jier boeken sa't boeken hearre te wêzen!”

Teltsjes fan Tellegen – Alventritich bisteferhalen

Toon Tellegen

‘Teltsjes fan Tellegen’ is in boek mei alventritich fan de moaiste ferhalen fan de grutte ferteller Toon Tellegen, mei soarch selektearre út syn ûnbidich grutte oeuvre, én oanfolle mei trije nagelnije ferhalen, spesjaal troch de master sels skreaun foar dizze útjefte. Tellegens wurk heart ta de moderne klassikers, en is no foar it earst ek yn it Frysk te lêzen, troch jong en âld.

REGAAD BESTieT 10 JieR

Utjouwerij Regaad fiert syn tsien jierrich bestean

Op 11 novimber 2023 is it safier: dan bestiet Utjouwerij Regaad 10 jier. Yn 2013 is de útjouwerij oprjochte troch fiif freonen, allegear âld-lid fan de Fryske studintefiering Bernlef út Grins. Mei as doel: moaie Fryske boeken meitsje. Want fan alle boeken dy’t se yn hannen hienen, tochten se: dat kin better. Oft it no om de kaft gie, om de yllustraasjes, om de oersetting of neam it mar op: dat kinne we sels ek wol. Dat kinne we sels better! 10 jier letter hat Regaad dy eigenwizens wier makke: der binne al hiel wat prachtige boeken ferskynd. Fan De GFR oant De skipsjonges fan Bontekoe, fan Astrid Lindgren oant Toon Tellegen, fan in stripboek oant in Bouquetromantsje. Der binne prizen wûn en prizen ferjûn, plannen betocht en kongressen besocht, feesten holden en aktiviteiten organisearre. En de freonen fan Regaad binne der noch lang net klear mei. Mei in spiksplinternije webside ynklusyf webshop gean se op nei de folgjende tsien jier!